Давид Рикардо (Англи хэл: David Ricardo, 1772 оны 4 сарын 18 – 1823 оны 9 сарын 11) нь сонгодог онолч, улс төрийн эдийн засагч байжээ. Тэрээр хуваарилалтын сонгодог онолыг боловсруулсан ажээ. Тэрээр Лондонгийн энгийн нэгэн еврей айлд төрсөн бөгөөд 17 хүүхэдтэй айлын 3 дахь хүү нь болж төржээ. 14 настайдаа аавыгаа дагаж Лондонгийн хөрөнгийн биржид санхүү, хувьцаа, үл хөдлөх хөрөнгийн тухай суралцжээ. 21 настайдаа гэр бүлийнхээ уламжлал болсон шашнаас татгалзаж, тvvний эх бараг тэр үеэс эхлээд түүнтэй дуугараагүй гэдэг.
1799 онд нэг удаа хөдөө амарч байхдаа Адам Смитийн "Үндэстнүүдийн баялаг" номыг олж уншжээ. Энэ түүний анхны эдийн засгийн сурах бичиг болж, эдийн засгийн ухаанд сонирхол нь татагдсан байна. 37 насандаа анхныхаа эдийн засгийн тухай эссег бичиж гаргасан, мөн 10 жилийн дараа гэхэд өндөр нэр хүндийг олсон байна. Үнэт цаасны зах зээлд ажиллаж байхдаа тэрээр нилээд баян нэгэн болж, бvр 20 гаруйхан насандаа саятан болсон түүхтэй. Рикардо 1814 он буюу 42 насандаа тэтгэвэртээ гарсан байна. 1819 онд тэрээр Английн сенатч болоод нас эцэслэтлээ тэнд ажилсан байна. Тэрээр сенатч хийх хугацаандаа улс орны чөлөөт худалдааны үзлийг тууштай баримталж ирсэн ба Английн дотоодын хөдөө аж ахуйг ихээхэн дэмждэг байсан байна. Тvvний дотны анд Жеймс Мил Рикардогийн ажлыг дэмжиж хамтран ажилладаг байсан бол, харин Жереми Бентхэм болон Томас Малтиус хэмээх найзууд нь үргэлж тvvнтэй газар эзэмших болон, нийгмийн асуудал дээр мэтгэлцдэг байв. Сүүлд Малтиус улсын эдийн засаг хариуцаж ажиллах болсон байна. Рикардо 51 насандаа зүрхний өвчнөөр хорвоогийн мөнх бусыг үзүүлсэн байна.
